المقال التالي حيشرح chmod تحديد الصلاحيات chown تغيير الملكية

chown

شوف يابن عمي اي ملف بتقوم بخلقه على الجهاز بتاعك بتكون ملكيته راجعه للي عمله

بمعنى لو خلقت ملف وانت مستخدم جذر حتبقى ملكية الملف راجعه للمستخدم الجذر -root-

ولو خلقت ملف وانت مستخدم عادي بتبقى صلاحيته للمستخدم العادي وبالتالي للمجموعة التابع لها المستخدم دا .

الأمر chownبيديك حق تغيير المالك للملف او المجلد

بعد ما تحدد المالك ممكن بعد كدا تعدل في صلاحيات الملف او المجلد بتاعك

وبتكتب الأمر كما التالي

chown name-of-the-new-owner name-of-the-file

وطبعا ماتنساش انك لو عايز تغير ملكية ملف كان مملوك لمستخدم جذر وعايز تخلي الملكيه لمستخدم عادي انك تبقى مستخدم جذر الأول

الصلاحيات عشان نحدد صلاحيات الملكية على الملفا لابد ان نعرف ان لكل ملف عدد محدد من الصلاحيات بمعنى ان لكل مستخدم على الجهاز وكل مجموعة صلاحيات محددة ,لكي تتعرف على صلاحيات الملف يمكنك طباعة الأمر التالي داخل سطر الأوامر

ls -l إسم اي ملف لديك

دعنا نقول ان لديك ملف يدعى cancer

ستجد التالي

-rw-r--r--  1 m m  601229312 2007-09-23 04:41 cancer

واخد بالك من -rw-r--r--

خلينا نشرحها بالراحه

الملف cancerيملكه المستخدم m

المجموعه التابع لها الملف تدعى أيضا m

من حق m المستخدم و

وmالمجموعه انهم يكتبوا ويقروا الملف

ودا معنى

من حق اي حد تاني انه يقرى الملف

طيب خلينا نشرح

-rw-r--r--

-بتكون موجوده لما تكون بتستعلم عن ملكية ملف في الحالات الأخرى لما تكون بتستعلم عن مجلد حتلاقيها

d

مثال

ls -l /etc/alsa

drwxr-xr-x 2 root root 4096 2007-09-06 12:45

r=يمكنك القراءة w=يمكنك الكتابة

لنكمل الشرح

chmod

يستخدم الأمر لتغيير صلاحيات الملفات

ولتغيير الصلاحيات هناك طريقتين لفعل ذلك

"الطريقه الأولى بإستخدام الحروف "

chmod +rw filename

"الطريقه الثانية بواسطه الأرقام "

سنقوم بشرح الأرقام هنا

لو قلنا ان مجموعة ملفات عندك صلاحياتها هي التالي

rwx rwx rwx = 111 111 111

rw- rw- rw- = 110 110 110

rwx --- --- = 111 000 000

كما نعلم ان الحاسوب يتعامل مع ثنائية الـ0و1 وعليها سنحاول ان نترجم الأرقام

rwx = 111 = 7

rw- = 110 = 6

r-x = 101 = 5

r-- = 100 = 4

وكمثال

لو أردنا ان نعطي صلاحيات لملف ما بحيث يستطيع المالك ان يكتب ويقرأ ولا يستطيع غيره ان يفعل اي شئ سيكون الأمر كالتالي

chmod 600 filename

6=rw المالك

0=--- المجموعة

0=--- الأخرون

ولتسليك العملية حنحط جدول بيلقي نظره عامه على الأرقام

طبعا انا مبسوط فشخ ان البتاع كله مالك مالك مالك :)